මෙහි ප්‍රධාන අරමුණ වන්නේ බලපෑමට පත්වූ පාර්ශවයන් ඇතුළත්ව සියලු පාර්ශවකරුවන්ගේ සහභාගිත්වය සහිතව සාර්ථක සහ ඵලදායි ආකාරයෙන් ගැටළු විසදා ගැනීමයි. මෙම ව්‍යාපෘතිය මඟින් ව්‍යාපෘතියේ සම්බන්ධ කොටස් වෙත සිදුකරන අනිසි බලපෑම් සඳහා සහන සැලසීම ක්‍රියාත්මක විය යුතුය. තවද බලපෑමට ලක්වූ පුද්ගලයන් හට ස්ත්‍රී පුරුෂ සමාජභාවිය වෙනස්කොට සැලකීම් වලින් තොරව පාරදෘශ්‍ය, සාධාරණ සහ තිරසාර ප්‍රථිපල ලඟාකරගත හැකි විස්වාසනීය ක්‍රියාවලියක් දුක් ගැනවිලි සහන සැලසීමේ යාන්ත්‍රණය විසින් නිර්මාණය කල යුතුය. ඒ අරමුණු සාක්ෂාත් කිරීම සඳහා දුක් ගැනවිලි සඳහා සහන සැලසීමේ කමිටුවක් පත් කරනු ලැබේ. එම කමිටුව ප්‍රතිපතිමය තීන්දු තීරණ පිළිබඳව වගකියනු ලැබේ.